Vijon me ritme të larta numri i infektimeve. MSH: “6 viktima dhe 32 qytetarë të shëruar në 24 orët e fundit”
127 persona janë konfirmuar pozitiv me COVID-19 në 24 orët e fundit dhe 6 persona kanë humbur jetën në të dy spitale COVID.
Gjatë 24 orëve të fundit në vendin tonë janë kryer 531 testime, ku 127 persona janë konfirmuar të prekur nga virusi Covid 19. Tirana paraqet numrin më të lartë të infektimeve e ndjekur nga Kruja dhe Durrësit.
6 persona kanë humbur jetën në dy spitalet Covid, ku 3 qytetarë janë nga Durrësi, një 64 vjeçar, një 65 vjeçar dhe një 69 vjeçar, me sëmundje bashkëshoqërues. Nuk e kanë fituar betejën me Covid 19 edhe një 72 vjeçare nga Fier, një 73 vjeçare nga Korça dhe një 78 vjeçare nga Tirana.
Shpërndarja gjeografike e rasteve pozitive ditore është si vijon: 36 raste në Tiranë, 28 në Krujë, 15 në Durrës, 8 në Has, 5 në Kukës, 4 në Fier, nga 3 raste në Shkodër, Korçë, Elbasan, Vlorë, Gjirokastër, nga 2 raste në Lezhë, Përmet, Klos, Shijak, Finiq, nga 1 rast në Kurbin, Lushnje, Berat, Tepelenë, Kolonjë, Malësi e Madhe.
Aktualisht ne spitalin Infektiv dhe “Shefqet Ndroqi” po trajtohen 119 pacientë të konfirmuar pozitivë me Covid19, 22 pacientë janë në terapi intensive, 4 prej të cilëve të intubuar.
Gjatë 24 orëve të fundit janë shëruar edhe 32 qytetarë, duke e çuar numrin e të shëruarve në 3155, që nga fillimi i epidemisë.
Ndërsa më shumë se 1 mijë raste aktive të prekura nga Covid19 po ndiqen në dinamikë nga mjeket e familjes sipas protokolleve të përcaktuara.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.