Vijon puna për linjën e furnizimit me ujë në Durrës – Gjiknuri: Investimi pritet të përfundojë në mesin e vitit 2019
Linja e re e furnizimit me ujë në qytetin bregdetar të Durrësit pritet të përfundojë në mesin e vitit 2019. Lajmin e ka bërë të ditur ministri i Infrastrukturës dhe Energjisë, Damian Gjiknuri, i cili ka shpërndarë edhe pamjet nga punimet e projektit. Sipas Gjiknurit, ky investim do t’i japë fund problemit me ujin e pijshëm pasi plotëson nevojat për furnizim me ujë për qytetarët e Durrësit.
“Vazhdon puna për linjën e furnizimit me ujë të qytetit të Durrësit. Investimi në vlerën 31.6 milion euro pritet të përfundojë në mesin e vitit të ardhshëm dhe plotëson nevojat për furnizimin me ujë të qytetit bregdetar”, u shpreh Gjiknuri.
Ndërkohë, krahas linjë së furnizimit me ujë, në Durrës po punohet po ashtu edhe për ndërtimin e rrjetit sekondar të kanalizimeve në zonën e Plazhit. Më herët ministri e ka cilësuar këtë si një nga veprat transformuese për të gjithë banorët e Durrësit.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.