Viti 2020 merr një tjetër legjendë – Pierre Cardin, stilisti ikonik ndërron jetë në moshën 98-vjeçare
Pierre Cardin, i cili gjatë më shumë se shtatë dekadave të tij në modë solli forma gjeometrike në modën e lartë dhe vuri emrin e tij në gjithçka, nga veshjet te mobiljet te parfumi te stilolapsat, vdiq të martën. Ai ishte 98 vjeç.
“Është me trishtim të madh që anëtarët e Akademisë së Arteve të Bukura njoftojnë vdekjen e anëtarit të tyre Pierre Cardin,” shkroi Akademia Franceze e Arteve të Bukura.
Cardin vdiq në një spital në Neuilly në perëndim të Parisit, i tha familja e tij Agence France-Presse.
Djali i një tregtari të pasur të verës, Cardin lindi pranë Venedikut më 2 korrik 1922. Ai dhe familja e tij u transferuan nga Italia Fashiste në Francë kur ishte 2 vjeç. Cardin ishte vetëm 14 vjeç kur filloi si një nxënës rrobaqepës. Në 23 vjeç, ai u transferua në Paris, duke studiuar arkitekturë dhe duke punuar me shtëpinë e modës Paquin dhe më vonë me Elsa Schiaparelli. Në kryeqytetin francez, ai u takua me regjisorin e filmit Jean Cocteau dhe ndihmoi në hartimin e maskave dhe kostumeve për filmin e vitit 1946 “La Belle et La Bete”.
Ai u zhvendos në Christian Dior në 1946, duke punuar si një modelues në modën femërore “New Look” të pas Luftës së Dytë Botërore. Katër vjet më vonë, ai hapi shtëpinë e tij të modës, duke modeluar kostume për teatër.
Së shpejti, stilimet e tij ishin duke u veshur nga emra të tillë si Eva Peron, Rita Hayworth, Elizabeth Taylor, Brigitte Bardot, Jeanne Moreau, Mia Farrow dhe Jacqueline Kennedy.
D.B – SCAN
Burimi: CNBC
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.