Viti i ri akademik nis “ndryshe” – Rama: Studentët sot kanë kushte më të mira
Studentët në mbarë vendin do ta nisin këtë vit të ri akademik me kushte më të mira mësimdhënie në fakultete. Kështu është shprehur kryeministri Edi Rama, nga Universiteti i Mjekësisë, i cili theksoi se përsëri ka nevojë për më shumë, pasi universiteti shqiptar nuk është në nivelin ku duhet.
Si gjenerata e parë që regjistrohen pas protestës së studentëve që u zhvillua në Dhjetor 2018, Ministria e Arsimit angazhohet të çojë përpara nismat që përmirësojnë jetën e studentëve në Shqipëri, ku ekselentët do të përfitojnë nga politika për përjashtim nga tarifat dhe do të përfitojnë bursa.
Referuar të dhënave ende jo zyrtare, këtë vit akademik 2019-2020, numërohen rreth 19 mijë studentë që ulen për herë të parë në auditore, një shifër kjo në rënie krahasimisht e një vit më parë, ku filluan fakultetin rreth 22 mijë studentë.
ERTV Live😊: Fakulteti i Mjekësisë🥼🏥 – Hapet viti i ri akademik 2019-2020.Pakti për Universitetin, angazhim i përbashkët, për të ecur së bashku përpara, duke ndërtuar hap pas hapi, botën e re universitare siç kemi nisur qysh prej protestës studentore🤝
Posted by Edi Rama on Monday, October 14, 2019
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.