‘Vizat e arta’ – BE bën thirrje për kontrolle më të ashpra për aplikantët

Bashkimi Europian ka paralajmëruar vendet që zbatojnë skemat për dhënien e ‘vizave të arta’ që të ashpërsojnë kontrollet ndaj aplikantëve pasi mund të rrisin rrezikun korrupsionit, pastrimit të parave, si dhe të shmangies tatimore.

Sipas ‘Associated Press’, komisioni i BE përmes një raporti tha se të ashtuquajturat ‘pasaporta dhe viza të arta’ të ofruara në një vend të BE mund të krijojnë shumë probleme të gjitha vendet e bllokut.

Komisioni i Migracionit, Dimitris Avramopoulos tha se Komisioni do të monitorojë funksionimin e këtyre skemave në mënyrëe në mënyrë që të jetë në përputhjen të plotë me ligjin e BE-së.

“Puna që ne kemi bërë së bashku gjatë viteve të fundit sa i përket rritjes së sigurisë, forcimit të kufijve dhe mbyllja e boshllëqeve të informacionit nuk duhet të rrezikohen”, tha Avramopoulos.

Bullgaria, Qiproja dhe Malta janë ndër vendet që ofrojnë pasaporta për investitorët e huaj dhe më problematiket njëkohësisht, për shkak të kontrolleve të pamjaftueshme të individëve që aplikojnë. Ndërkohë, janë 20 shtete në Bashkimin Europian që ofrojnë aktualisht viza për investime.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.