Vizita e Xi Jinping në Itali – Mattarella: Kina, një nga partnerët më të rëndësishëm tregtar

Presidenti italian, Sergio Mattarella, tha se vizita e homologut kinez, Xi Jinping në Itali, tregon respekt të përbashkët dhe lidhje të qëndrueshme mes 2 vendeve. Italia dhe Kina,  si dy fuqi të mëdha kulturore dhe të qytetërimit,  kanë pasur marrëdhënie që prej periudhave antike, tha Matarella. Ai shtoi se viti 2020 do të shënojë 50 vjetorin e lidhjeve diplomatike mes Kinës dhe italisë dhe vizita e presidentit Xi Jinping do të përforcojë marrëdhëniet dypalëshe. Mattarella tha se do të zhvillohen një serë takimesh, përfshirë mbi kulturën, ekonominë dhe tregtinë.  Italia dhe Europa duhet të hapin dialogun me Kinën dhe të promovojnë bashkëpunimin.

“Lidhjet ekonomike dhe tregtare janë në qendër të marrëdhënies së dy vendeve.  Vazhdimi i tregtisë dypalëshe si dhe investimeve mes kompanive kanë përforcuar besimin në zhvillimin e lidhjeve.   Prej kohësh, Italia e ka parë kinën si një prej partnerëve më të rëndësishëm tregtarë dhe si motorin e tregtisë ndërkombëtare.”

Presidenti kinez, Xi Jinping, do të vizitojë Italinë dhe Francën në datën 21 Mars, për të konsoliduar miqësinë dhe përforcojë bashkëpunimin. Vizita në Europë, që do të jetë e para për Xi Jinping jashtë vendit, pritet t’i japë vrull partneritetit Kinë-BE dhe krijojë mundësi për të nxitur stabilitetin botëror.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.