Vizita në Turqi, Nesho: “Rama për interesa elektorale. Kthehemi në vasalë të Perandorisë Otomane dhe dëmtojmë orientimin europian”

Z.Nesho ish-ambasador i Kombeve të Bashkuara në emisionin “Argument” komentoi edhe vizitën e kryeminsitrit Rama në Turqi dhe pritjen madhështore që iu bë nga homologu i tij Erdogan.

Sipas ekspertit Nesho ky ishte një takim i zhvilluar për çështje të interesit elektoral të vetë z.Rama dhe një konfirmim si palë e Perandorisë Neo-otomane që sipas tij Erdogan e ka shprehur hapur që do ta krijojë.

“Në fakt ky takim është në funksion te fushatës elektorale, sepse çështjet nuk po shkojnë mirë për z.Rama. Ka një krizë institucionale që nuk ka tregues për përkrahjen e zgjedhjeve të prillit dhe sidomos përballe ka një sfide të madhe me BE, në këtë mënyrë i është drejtuar Turqisë. E shoh si një personalizim te politikës nga dy palët ku nga njëri krah Turqia si një fuqi në ngritje kërkon një fitore në politika  e jashtme, sepse edhe atje krizat ekonomike po dhe regjimi diktatorial kanë krijuar mosbesim. Ky është kompromisi për shtetet e tjer ballkanikë për ti futur në ombrellën otomane, ndërsa Rama për vota elektorale.

Sipas Z.Nesho Shqipëria jep mesazhe të gabuara për orientimin e saj europian dhe sipas tij është e gabuar psikologjia e liderve ballkanikë që bëjnë presion kundrejt Bllokut në këtë mënyrë:

“Mesazhi që jep Shqipëria ështe i gabuar përballë orientimit europian. Psikologjia e liderve të vegjël ballkanik që bëjnë presion, si Vucic që do politikë të barazlarguar ndaj Fuqive të Mëdha, duke bërë presion ndaj BE-së që më merrni mua se mund të kaloj andej është i gabuar. Për Shqipërinë nuk funksionon kjo metodë për më tepër nga një lider shqiptar që e ka mbaruar ciklin dhe n vend të bashkëpunoje per ato detyra që BE i kërkon duke i mundësuar integrimin e shqipërisë dhe duke hapur perspektiva për të gjithë shqiptaret. Kjo është sfidë e një lideri i pambështetur në votën popullore dhe mesazhet dhe mënyrat për të përfituar një ndihmë nga një fuqi rajonale nuk dua ta mendoj si koncesion të politikave vasale. E ardhmja jonë nuk eshtë perandoria otomane.”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.