Vizitorët në këtë shtet duhet të nënshkruajnë ‘Tiaki Promise’ për të mbrojtur mjedisin
“Premtimi i Tiakit” është një dokument përmes të cilit vizitorët premtojnë të mbrojnë mjedisin gjatë udhëtimit të tyre në Zelandën e Re. Tiaki do të thotë “të ruash” në gjuhën maore, dhe dokumenti është një këshillë nga parimet e popullit vendas për t’u kujdesur për tokën.
Shefi Ekzekutiv i Turizmit në Zelandën e Re Stephen England-Hall vuri në dukje se premtimi nuk është një listë e udhëzimeve “bëjë këtë” apo “mos e bëni atë”. Përkundrazi, është një mënyrë për ta vënë udhëtarin në një mendësi të caktuar kur arrijnë në vend.
“Ideja e turizmit në Zelandën e Re është më e madhe se procesi i kufirit,” tha ai për CNN Travel.
Ai vazhdoi duke thënë se vizitorët janë të mirëpritur të shijojnë peizazhin e Zelandës së Re, por ata duhet të jenë të ndërgjegjshëm për faktin se është një vend me të vërtetë i rëndësishëm.
Zelanda e Re është vendi i tetë më i lumtur në botë, sipas të dhënave të Kombeve të Bashkuara për nivelin e lumturisë 2018. Qasja e lehtë në natyrë thuhet të jetë një nga faktorët kryesorë në renditje.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.