Vjedhja e banesave në Vlorë – Policia arreston dy shtetas në flagrancë, në kërkim dy të tjerë
Policia e Shtetit ka njoftuar realizimin me sukses të operacionit policor “Piratët” nga Seksioni i Krimeve në bashkëpunim me Patrullën e Përgjithshme.
Sipas njoftimit janë arrestuar në flagrancë dy shtetas si dhe shpallen në kërkim dy të tjerë, të dyshuar edhe për kryerjen e një sërë vjedhjeve të banesave. Gjithashtu janë zbardhur 12 vjedhje të ndodhura në periudha të ndryshme në qytetin e Vlorës.
Policia tha se specialistët për Hetimin e Krimit në Komisariatin e Policisë Vlorë, në vijim të punës për parandalimin e vjedhjeve si dhe për zbardhjen e atyre të ndodhura më parë, bazuar gjithashtu edhe në informacione të siguruara në rrugë operative kanë rezultuar në faktin se një grup të rinjsh vidhnin banesa nëpër qytet. Kjo është edhe arsyeja e organizimit të misionit “Piratët”. Si rezultat i operacionit u bë i mundur arrestimi në flagrancë i shtetasve M.H., 29 vjeç, E.K., 25 vjeç, me banim në Vlorë, si dhe shpallja në kërkim e A.M dhe L.H.
Policia tha se shtetasit M.H dhe E.K, janë kapur në flagrancë në lagjen “28 Nëntori” duke vjedhur në një banesë.
Ndërsa shtetasit A.M dhe L.H sipas njoftimit, të cilët ishin edhe pjesëtarë të grupit, në të njëjtën kohë kanë hyrë për të vjedhur në një supermarket, ku dhe kanë mundur të largohen duke marrë vetëm steka me cigare.
Policia tha se veprimet hetimore intensive, janë zbardhur edhe 12 vjedhje të tjera të ndodhura në kohë të ndryshme, që dyshohet se janë kryer nga këta shtetas në bashkëpunim me njëri-tjetrin, të listuara si më poshtë:
Më datë 16.04.2019, është vjedhur banesa e shtetasit S.M, në lagjen “29 Nëntori”.
Më datë 07.04.2019, është vjedhur banesa e shtetasit I.M, në lagjen “Isa Boletini”.
Më datë 30.03.2019, është vjedhur banesa e shtetasit L.Sh, në lagjen “Lef Sallata”.
Më datë 30.03.2019, është vjedhur banesa e shtetasit P.K, në lagjen “Isa Boletini”.
Më datë 15.03.2019, është vjedhur banesa e shtetasit A.H, në lagjen “Pavarësia”.
Më datë 11.03.2019, është vjedhur banesa e shtetasit G.K, në lagjen “Hajro Çakërri”.
Më datë 07.03.2019, është vjedhur banesa e shtetases L.Sh, në lagjen “24 Maji”.
Më datë 05.03.2019, është vjedhur banesa e shtetasit B.T, në lagjen “1 Maji”.
Më datë 25.02.2019, është vjedhur banesa e shtetasit M.K, në lagjen “Hajro Çakërri”.
Më datë 15.02.2019, është vjedhur banesa e shtetasit K.B, në lagjen “15 Tetori”.
Më datë 14.02.2019, është vjedhur banesa e shtetasit F.F, në lagjen “24 Maji”.
Më datë 14.02.2019, është vjedhur banesa e shtetasit M.P, në lagjen “28 Nëntori”.
Materialet iu referuan Prokurorisë në ngarkim të tyre për veprën penal.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.