Vjedhje biznesesh dhe banesash – Policia arreston 1 shtetas dhe sekuestron objekte e elektroshtëpiake të ndryshme
Policia e Shtetit ka bërë me dije se Komisariati i Policisë Kavajë, nisur nga kallëzimet e bëra në lidhje me vjedhjet të ndodhura kohët e fundit në zonën e Kavajës, organizoi punën për identifikimin dhe kapjen e autorit. Sipas njoftimit si rezultat e një pune kërkimore dhe profesionale u bë identifikimi, lokalizimi, kapja dhe arrestimi në flagrancë i shtetasit D. B., 25 vjeç, si dhe u procedua në gjendje të lirë shtetasi i mitur I. J., 17 vjeç.
Policia bën me dije se nga tërësia e veprimeve hetimore të kryera ka rezultuar se këta shtetas janë autorë të dyshuar të 5 rasteve të vjedhjeve, konkretisht:
- Më datë 06.01.2021 kanë vjedhur 3 pajisje elektroshtëpiake në banesën e shtetasit H. A.;
- Më datë 01.01.2021 kanë vjedhur 1 televizor në banesën e shtetases M. K.;
- Më datë 01.01.2021 kanë vjedhur 1 frigorifer në kioskën e shtetases M. G.;
- Më datë 18.12.2020 kanë tentuar të vjedhin në mobilierinë në pronësi të shtetasit B. S.;
- Më datë 20.10.2020 kanë vjedhur disa produkte në lokalin e shtetasit Q. H.
Ndërkohë, vijon puna, në bashkëpunim me Prokurorinë, për dokumentimin edhe të disa rasteve të tjera të vjedhjeve në të cilat mund të jenë të implikuar këta shtetas.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.