Vjedhje dhe falsifikime – Goditet grupi kriminal shqiptar që vepronte në shtetin gjerman
Policia ka finalizuar me sukses një tjetër operacion ndërkombëtar, për goditjen e veprimtarisë kriminale në fushën e vjedhjes së banesave, duke vënë në pranga një 27 vjeçar lindur në Dibër dhe banues në Durrës, i shpallur person në kërkim europian. 27 vjeçari rezultonte i dënuar më parë për veprën penale “Falsifikimi i letërnjoftimeve, i pasaportave apo i vizave”.
Ky shtetas në bashkëpunim me persona të tjerë, ka kryer rreth 25 vjedhje banesash në rajonin Bochum, Gjermani, ku kanë përvetësuar sasi të konsiderueshme parash, bizhuteri, orë të markave të shtrenjta, pajisje elektronike etj.
Policia bënë me dijë se gjatë kontrollit të banesës së tij, sekuestroi edhe disa dokumente për transferta parash nga Gjermania në Shqipëri, orë të markave të shtrenjta, telefona celularë, bizhuteri si dhe një automjet në bashkërendim me organet ligj zbatuese të rajonit të Bochumit, Gjermani, Task Forca “Anti – Skifter” dhe Prokurorinë pranë Gjykatës së Shkallës së Parë për Krime të Rënda Tiranë, po vijon puna për dokumentimin e plotë ligjor të aktivitetit kriminal të këtij grupi të strukturuar, ku deri tani është provuar se ka kryer 25 vjedhje banesash, por dyshohet se ka kryer edhe vjedhje të tjera në këtë rajon. Aktiviteti kriminal i këtij grupi shtrihet në periudhën kohore 2015-2018 në dhjetë rajone në Gjemani.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.