Vjedhje në Librazhd dhe Përrenjas – Policia arreston në flagrancë 26-vjeçarin
Policia e Shtetit ka njoftuar së fundmi se ka zbardhur një sërë vjedhjesh të ndodhura në Librazhd dhe në Përrenjas.
Si pasojë, Policia ka arrestuar në flagrancë një shtetas 26-vjeçar.
Sipas njoftimit gjatë vijimit të punës për parandalimin e vjedhjeve, zbardhjen e atyre të ndodhura më parë si edhe identifikimin e vënien para përgjegjësisë ligjore të autorëve, Specialistët e Hetimit të Krimit në Komisariatin e Policisë Librazhd, arrestuan në flagrancë 26-vjeçarin.
Policia tha se shtetasi D.R., 26 vjeç, banues në Pogradec, dyshohet se ka vjedhur një shumë lekësh dhe sende të tjera, më datë 29.05.2019, në lokalin në pronësi të shtetasit V.L, në Përrenjas.
Gjithashtu, nga veprimet hetimore të kryera dyshohet se ky shtetas është edhe autor i 4 vjedhjeve të tjera të ndodhura në Librazhd e Përrenjas, në periudhën mars – prill, ku dyshohet se ka vjedhur në 1 lokal, në një 1 magazinë dhe në 2 banesa, lekë, pije alkoolike e sende të ndryshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.