Vjen ndryshimi i parë në buxhetin 2021 – 24 milionë dollarë KQZ-së për sistemin biometrik, plus 10 milionë shpenzime shtesë
Sistemi i identifikimit biometrik të zgjedhësve ka qenë shkaku për ndërhyrjen e parë në Buxhetin e Shtetit të vitit 2021. Komisioni Parlamentar i Ligjeve miratoi të enjten Aktin Normativ të Qeverisë përmes të cilit Komisionit Qendror të Zgjedhjeve ju akorduar 2.42 miliardë lekë, rreth 24 milionë dollarë për sistemin biometrik.
Ndërkohë që shpenzimet mund të jenë edhe më të mëdha, duke qenë se në Fondin rezervë të Qeverisë janë parashikuar edhe rreth 10 milionë dollar shtesë për shpenzime që mund të dalin gjatë implementimit të kodit të ri zgjedhor.
Më herët Kuvendi ka miratuar edhe një fond prej rreth 1.3 milionë dollarësh që do t’u shpërndahen politike për të përballuar shpenzimet zgjedhore.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.