Vlera e ujit të pastër, një investim i qëndrueshëm
Popullsia në të gjithë botën duhet të ketë akses në ujin e pastër dhe të pijshëm por 1 bilion njerëz ende nuk kanë.
Kompanitë si water.org dhe Thinkphi kanë gjetur një zgjidhje për këtë problem.
Aktori hollivudit dhe filantropisti Matt Damon, ka një vizion të thjeshtë, të sigurojë ujë të pastër për çdo person në planet pasi ai mendon se nuk mund të zgjidhet varfëria pa u zgjidhur çështja e ujit dhe e kanalizimeve.
Damon është bashkëthemelues i Water.org, një kompani e cila ofron kredi të vogla për njerëzit në nevojë dhe të dëshpëruar.
Kjo organizatë krenohet me idetë e “zgjidhjeve financiare të drejtuara nga tregu për krizën globale të ujit”.
Më shumë se 6 milionë njerëz në 14 vende kanë qenë në gjendje të paguajnë për tualetet e tyre ose çezmat që do të ndërtohen, duke u dhënë atyre qasje në ujë të pastër dhe të sigurt.
Duke bashkëpunuar me institucionet e mikro financimit, Water.org ka huazuar më shumë se 369 milionë dollar gjatë dhjetë viteve të fundit.
Tani organizata po e merr këtë model të suksesshëm, duke e përmirësuar dhe duke e përhapur atë tek investitorët.
Gary White, bashkë-themelues dhe CEO i Water.org, ka arritur në përfundimin se “filantropia tradicionale kurrë nuk do të ishte e mjaftueshme” për të zgjidhur çështjen.
Kjo “filantropi katalitike” është një trend që sektori i financave po ndjek nga afër. “Investimet inovative si këto, që synojnë zgjidhjen e problemeve specifike kanë dalë në vitet e fundit”
UBS është një lider në treg për sa i përket investimeve që kanë ndikim, ku investitorët potencialisht marrin një kthim financiar si dhe mbështetjen e një impakti pozitiv social ose mjedisor.
Një startup me bazë në Mumbai cili gjithashtu ka parë potencialin e tregut. Sistemi i tij i patentuar, modeli 1080, kombinon me zgjuarsi ujin e mbledhur të shiut dhe energjinë e rinovueshme për të prodhuar ujë të pastër.
Mbulesa e mbingarkuar me energji diellore është një zgjidhje shumë e thjeshtë për një problem jashtëzakonisht kompleks.
Produkti mund të mbledhë ujin e shiut dhe të filtrojë atë për të gjeneruar mbi 125,000 litra ujë të pijshëm, ndërsa në të njëjtën kohë gjeneron deri në 2.2 kilovat (kw) të energjisë diellore.
Ky startup është themeluar nga një çift në vitin 2015. Ata janë shprehur se po kërkonin jo vetëm produkte inovative por “transformuese”.
Me më shumë se 40 për qind të popullsisë botërore të prekur nga mungesa e ujit, dhe këtë numër që sa vjen dhe të rritet është e qartë se vetëm qeveritë nuk mund ta zgjidhin problemin.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.