Vlera në treg e Tesla kalon Volkswagen/ Konkurron me gjigandë që shesin 30 herë më shumë makina
Vlera në treg e Tesla kaloi 100 miliardë dollarëshin për të parën herë të Javës, ndërkohë që aksionet e kompanisë u rritën me 8.6% brenda një dite tregtare, në 595 dollarë. Vlera në treg është rritur me mbi 200% që prej vitit të kaluar dhe e ka bërë Tesla kompaninë më të vlefshme në SHBA të të gjitha kohërave, duke kaluar dhe majën historike të Ford në vitin 1999. Në arenën ndërkombëtare, Tesla ka përpara vetëm Toyota, që ka një vlerë prej 235 miliardë dollarë, dhe ka kaluar Volkswagen me 99 miliardë dollarë.
Tesla ka fituar edhe vlerësimin e presidentit Donald Trump, që është “mrekulluar” me rritjen e shpejtë të kompanisë. “Një vit më parë kompania shqetësohej për falimentim dhe krejt papritur janë në majë”, tha Trump duke shtuar se administrata e tij do ndihmojë Tesla të ndërtojë një fabrikë gjigante në SHBA. Kur vjen puna tek shifrat, gjiganti elektrik në SHBA mbetet ende shumë mbrapa liderëve botërorë si Toyota dhe Volkswagen. Tesla ka shitur 367,500 makina në 2019, ndërsa homologët gjermanë dhe japonezë, kanë shitur secili mbi 10 milionë makina. Tesla po konkuron me rivalë që shesin 30 herë më shumë makina. Analistët mendojnë se rritja e Tesla reflekton pritshmëritë e investitorëve se kompania do të qëndrojë një simbol i ndryshimit teknologjik të industrisë. Industria, nën presionet e mbrojtjes së mjedisit, po transformohet në mënyrë të shpejtë drejt makinave elektrike. Tesla perceptohet si kompania e parë në këtë garë.
Tesla nisi në muajin Dhjetor prodhimin në Kinë, që është tregu më i madh në botë i makinave elektrike, dhe ka lajmëruar gjithashtu një fabrikë gjigante në Gjermani, që do nisë prodhimin vitin e ardhshëm.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.