Vlerësimi i Moody’s për Shqipërinë/ Agjencia njofton përfundimin e rishikimit periodik të vlerësimeve për Shqipërinë!

Moody’s njofton përfundimin e rishikimit periodik të vlerësimeve për Shqipërinë. Sipas publikimit të agjencisë së vlerësimit të kreditit, profili i kredisë së Shqipërisë mbetet i pandryshuar në nivelin B1 dhe është i kufizuar nga forca ekonomike “ba3” e vendit që reflekton një ekonomi të vogël të ekspozuar ndaj rrezikut mjedisor, me një shkallë relativisht të ulët të diversifikimit krahasuar me fqinjët dhe një numër sfidash strukturore.

Moody’s vëren se institucionet e Shqipërisë dhe fuqia e qeverisjes qendrojnë në nivelin “ba2”, duke nënvizuar hapat e qeverisë për hapjen e nergociatave me Bashkimin Europian, si dhe adresuar dobësitë e vazhdueshme në fushën e sundimit të ligjit dhe kontrollin e korrupsionit. Forca fiskale e vendit vlerësohet në nivelin “b1”, duke marrë parasysh barrën e lartë të borxhit publik dhe detyrimet e kushtëzuara që burojnë nga sektori i energjisë dhe nga një mbështetje e shtuar në financimin e Partneriteteve Publike Private (PPP).

Ola Mitre/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.