“Vuajtjet e liderit të opozitës s’kanë fund” – Pas arrestimit, sëmuret rëndë në burg

Avokati i Alexei Navalny ka konfirmuar se lideri i opozitës ruse është “rëndë i sëmurë” pasi dolën raportet se ai ishte transferuar në një pavion të burgut për një sëmundje të frymëmarrjes dhe ishte testuar për koronavirus.

Kritiku i Kremlinit tha në një shënim të botuar të hënën se ai kishte kollë dhe temperaturë prej 38.1C.

Disa të burgosur nga reparti i tij ishin trajtuar tashmë në spital për tuberkuloz, shkroi Navalny. Disa orë më vonë, gazeta pro-Kremlinit Izvestia njoftoi se ai ishte zhvendosur në një pavion të sëmurësh dhe ishte testuar për koronavirus, midis sëmundjeve të tjera.

Një avokat për Navalny tha se një anëtar i ekipit të tij ligjor e kishte parë udhëheqësin e opozitës të Martën dhe se ai ishte “në gjendje mjaft të keqe”. Navalny deklaroi një grevë urie javën e kaluar sepse atij i ishte refuzuar një vizitë nga një mjek personal për rritjen e mpirjes dhe dhimbjes në shpinë dhe këmbë që e kishin bërë të vështirë për të ecur.

“Ai ka humbur shumë peshë, plus që ka një kollë të fortë dhe një temperaturë prej 38.1C,” tha Olga Mikhailova, avokati, në stacionin radio Echo of Moscow.

D.B – SCAN
Burimi: The Guardian

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.