Whatsapp e MSN-të, pakësojnë telefonatat e sms-të – Treguesit për 2022: Totali i thirrjeve me celularë 1.25 miliardë minuta, rënie prej 8.7%

Komunikimi përmes aplikacioneve që ofron interneti po ul ndjeshëm thirrjet dhe sms-të tradicionale përmes celularëve. AKEP raporton se totali I thirrjeve dalëse të gjeneruara nga pajtimtarët celularë në Shqipëri në T1 2022 ishte rreth 1.25 miliardë minuta, me një rënie prej 7.1% në krahasim me tremujorin paraardhës dhe me një rënie prej 8.7% me T1 2021.

Tkurrja e telefonatave e sms-ve vjen në një ccast kur numri I kartave sim ka shënuar rritje. Numri i pajtimtarëve të shërbimeve celulare sipas kartave SIM në fund të T1 2022 ishte rreth 3,416,311, bën me dije AKEP, që përbën një rritje me 7.8% në krahasim me T1 2021.

Ndërkaq, umri i përdoruesve aktivë të telefonisë celulare gjatë T1 2022 arriti në rreth 2.58 milionë që përbën një rënie me rreth 1.4% me T4 2021 dhe rritje me rreth 3.4% me T1 2021; Numri i përdoruesve aktivë të aksesit broadband në Internet nga rrjetet celulare në T1 2022 ishte rreth 2 milionë që përbën një rritje me 1.3% në krahasim me Tremujorin e parë 2021.

Të njëjtin trend konfirmon edhe volume i sms-ve të dërguara nga qytetarët. Numri i mesazheve SMS të dërguara nga pajtimtarët e rrjeteve celulare në T1 2022 ishte rreth 129 milion që përbën një rënie me 8% krahasuar me T4 2021 dhe një rënie me 5.3% me T1 2021; – Sasia e trafikut data (Internet) në rrjetet celuare gjatë T1 2022 ishte rreth 44 Milion GByte.

Një përdorues aktiv i aksesit broadband celular ka përdorur mesatarisht rreth 7.2 GB Internet në muaj në T1 2022, që përbën një rritje me 6.2% në krahasim me T4 2021 dhe një rritje me 40.3% krahasuar me T1 2021.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.