Wizz Air: Omicron ka goditur kërkesën – Pret humbje në T4 dhe një rimëkëmbje gjatë Pranverës dhe Verës
Linja ajrore hungareze, “Wizz Air”, ka publikuar një humbje operuese për tremujorin e tretë prej 213.6 milionë euro dhe deklaroi se humbja për tremujorin e katërt pritet të jetë pak më e lartë, përpara se të nisë një përmirësim gjatë Pranëverës. Wizz Air deklaroi se shfaqja e variantit Omicron ka goditur kërkesën në pjesën e fundit të tremujorit të tretë dhe se pret ndikim nga pasiguritë e vazhdueshme në lidhje me udhëtimin, gjatë janarit, Shkurtit dhe një pjese të Marsit.
Ekzekutivi i “Wizz Air”, Jozef Varadi, tha për Retuers së Linja Ajrore ka patur një përmirësim të dukshëm të kërkesës në Britani, pasi qeveri lajmëroi një zbutje të rregullave të testimit të koronvirusit dhe ai pret që tregu britanik të drejtojë rimëkëmbjen gjatë Verës. Linja ajrore me rritje të shpejtë ka përdorur pandeminë për të shkurtuar kostot dhe blerë vende të reja të zbritjes për avionët, që të pozicionohet për t’i bërë ballë rimëkëmbjes së pritur gjatë Verës. Kompania kishte një likuiditet prej 1.4 miliardë euro në fund të Dhjetorit.
Varadi tha se planifikon të operojë në 50% më shumë kapacitet në Gusht dhe Shtator, se sa gjatë verës së 2019, përpara pandemisë. Duke vënë një ton paralajmërues, ai tha se kostot e inputit, nga karburanti, pagat dhe ndryshimet rregullatore, po rrite, ç’ka do të rrisë çmimin e biletave në afat-shkurtër. Kompania hungareze është e pranishme edhe në Shqipëri. Bazuar në të dhënat më të fundit zyrtare, kompania “Wizz Air” ka zotëruar tregun në muajin tetor me 54% të totalit të pasagjerëve, duke shënuar rritje të ndjeshme jo vetëm me vitin 2020, por edhe me 2019-ën.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.