‘WizzAir’ krijon bazën e re të avionëve në Tiranë! Shton 15 destinacione të reja ‘low cost’ me nisje nga kryeqyteti

3 aeroplanë të modelit Airbus 320 do të jenë tashmë të parkuara në bazën e tyre të re, që është piëkrisht aeroporti ndërkombëtar “Nën Tereza”.

Drejtori i ekzekutiv i TIA-s dhe drejtori i Ëizz Air Grup thanë se kjo bazë e re do të sjellë më shumë konkurrencë në tregun ajror dhe çmimet e biletave do të jenë shumë të ulëta.

Së bashku me krijimin e bazës së re dhe plotësimin e dhjetë rrugëve të operuara tashmë, Ëizz Air njoftoi 15 rrugë të reja për tetë vende nga Tirana duke filluar nga korriku 2020, duke e sjellë totalin në 25 destinacione nga Aeroporti Ndërkombëtar i Tiranës.

3 avionët Airbus A320 do të mbështesin operacionet e pesëmbëdhjetë rrugëve të reja për në Beauvais (Paris), Charleroi (Bruksel), Eindhoven, Mulhouse Euroairport, Karlsruhe / Baden-baden, Hamburg, Berlin Schönefeld, Frankfurt Hahn, Praga, Heraklion, Rhodes, Bari , Catania, Milan Malpensa dhe Torino, me gjithsej mbi 800 mijë vende në shitje në 25 destinacione nga Tirana në vitin 2020.

Drejtori i Përgjithshëm i TIA në fjalën e tij për përurimin e bazës së re është shprehur se kjo është një mundësi fantastiek ëpr Shqipërinë:

“Ne jemi shumë të lumtur që mirëpresim krijimin e bazës së re të Ëizz Air në Tiranë. Kjo do të thotë konkurrencë e ndershme midis linjave ajrore, më shumë pasagjerë kur kufijtë tanë të jenë të hapur, çmime të përballueshme të biletave dhe mundësi udhëtimi për pasagjerët”

Ndërsa Drejtori i Përgjithshëm i Ëizz Air Group, József Váradi, tha se  do të ndihmojnë në ngritjen e sektorit lokal të turizmit

“Hapja e bazës sonë dhe vendosja e tre avionëve modernë më të mëdhenj është një hap përpara për të forcuar praninë tonë afatgjatë në Shqipëri. Jemi të kënaqur që shtojmë pesëmbëdhjetë rrugë të reja tërheqëse sot dhe mbajmë standardet më të larta të protokolleve tona sanitare. Kemi besim se tarifat shumë të ulëta të Ëizz Air dhe rrjeti i shkëlqyeshëm i rrugëve do ta bëjnë udhëtimin të përballueshëm për gjithnjë e më shumë pasagjerë”, tha Varadi.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.