Xi Jinping, pozitiv për tregtinë: “Marrëveshja e fazës së parë është përfituese për të dy vendet”
Lideri kinez, Xi Jinping, tha se marrëveshja tregtare e fazës së parë është përfituese si për Kinën edhe për Shtetet e Bashkuara.
“Marrëveshja ekonomike dhe tregtare e fazës së parë e arritur me Shteteve të Bashkuara dhe Kinës është diçka pozitive për të dy vendet dhe të gjithë botën”, tha Xi Jinping.
Ai shtoi se Ëashingtoni është i gatshëm që të vazhdojë negociatat dhe se tregjet në të gjithë botën kanë reaguar pozitivisht pas këtij lajmi. Trump tha më herët gjatë javës se ka zhvilluar bisedime pozitive dhe se Kina ka nisur blerje të mëdha të produkteve bujqësore amerikane.
Të dy vendet lajmëruan javën e kaluar se kanë arritur në letra një marrëveshje tregtare që përfshin heqjen e një pjese të tarifave dhe rritjen e importeve të produkteve bujqësore nga Kina.
Presidenti kinez shprehu mospëlqim ndaj përfshirjes së Shteteve të Bashkuara në Tajvan dhe Hong Kong, duke thënë se këto praktika ndërhyjnë tek çështjet e brendshme të Kinës, dëmtojnë interesat e vendit dhe bien ndesh me besimin recpirok.
Trump nënshkroi së fundmi dy ligje që mbështesin protestuesit në Hong Kong, pavarësisht kundërshtive nga Pekini. Xi Jinping tha se është i gatshëm të vazhdojë komunikimin me Donald Trump për çështjet ndërkombëtare dhe të përmirësojë marrëdhëniet e vendeve përmes koordnimit, bashkëpunimit dhe stabilitetit.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.