Xiaomi shet 10 milionë telefona vetëm në muajin tetor
Rreth 10 milionë telefona ka shitur “Xiaomi” në muajin tetor. Krahasuar me muajin shtator, duket si një shifër e përsëritur.
Shefi ekzekutiv i “Xiaomi”, Lei Jun ka postuar këtë lajm në llogarinë e tij “Weibo” duke iu kujtuar ndjekësve të tij shitjen e ardhshme të Mi 5X (i njohur ndryshe si Mi A1).
Kompania i ka vënë vetes një qëllim ambicioz për këtë vit, për të shitur 90 milionë telefona. Nëse shifra do të arrihet do të kemi një rritje të shitjeve me 50%, krahasuar me vitin e kaluar.
Nga ana tjetër, CEO i Microsoft Satya Nadella zhvilloi ditët e fundit një vizitë në “Xiaomi HQ” dhe Lei Jun i dhuroi atij një Xiaomi Mi Mix 2.
Jun u shpreh në këtë takim se Xiaomi dhe Microsoft kanë një “bashkëpunim të ngushtë” për telefonat, laptopët dhe shërbimet cloud.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.