Yellen mbi planin tatimor të G20 / “Ndryshimet tatimore për firmat e mëdha, nuk do jenë gati deri në 2022”

Sekretarja e thesarit në Shtetet e Bashkuara, Janet Yellen, tha se mekanizmi i ri që do lejojë më shumë vende të taksojnë kompanitë e mëdha ndërkombëtare mund të mos jetë gati që të konsiderohet nga politikëbërësit deri në Pranverë të vitit të ardhshëm.  Yellen tha në një konferencë pas takimit të liderëve të financave të G20 në Venecia, Itali, se “shtylla 1” e OECD për rialokimin e të drejtave të taksimit ndodhet në ritëm më të ngadaltë se propozimi për një taksë minimale botërore të korporatave prej 15%.  Ministrat e financave dhe guvernatorët e bankave qendrore të G20 ranë dakord për marrëveshjen gjatë fundjavës, por ka ende pyetje mbi mundësinë e administratës së presidentit Joe Biden që të bindë Kongresin e ndarë që të ratifikojë këto rregulla.  Yellen tha se shpreson që të përfshihen provigjione për të zbatuar të ashtuquajturën “shtylla 2” e taksës minimale botërore në një ligj të buxhetit këtë vit, që Kongresi mund të miratojë me një mazhorancë të thjeshtë. Pjesa tjetër e marrëveshjes do t’i japë fund taksave njëpalëshe mbi shërbimet dixhtale, në këmbim të një mekanizmi të ri që do lejojë kompanitë e mëdha ndërkombëtar të taksohen pjesërisht aty ku shesin produktet dhe shërbimet, dhe jo në vendin ku ndodhet selia.  Sipas Yellen, kjo do kërkojë një marrëveshje shumëpalëshe tatimore që do kërkojë kohë për t’u negociuar.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.