Yellen paralajmëron Kongresin / “Rrisni limitin e borxhit, ose do të ketë dështim të jashtëzakonshëm të SHBA”
Sekretarja e Thesarit në SHBA, Janer Yellen, paralajmëroi Kongresin këtë Javë se vendi rrezikon dështim në pagesat e borxhit dhe një krizë të re financiare shumë shpejtë, nëse politikanët dështojnë të heqin apo rrisin limitin federal të huamarrjes së shpejti. Në dëshminë e saj në një komision në Senat, Yellen tha se dështimi i pagesave të borxhit nga qeveria e SHBA do të ishte e pabesueshme dhe me pasoja katastrofike tek ekonomia. Yellen tha se për të shmangur pasigurinë tek tregjet financiare, Kongresi duhet të kalojë një ligj të ri të limitit të borxhit, duke lejuar Thesarin që të vazhdojë huamarrjen, pasi skadimit më datë 31 Korrik. “Dështimi i pagesave të borxhit nga qeveria amerikane do të shkaktonte një krizë financiare, këcënonte vendet e punës dhe kursimet e amerikanëve, në një kohë të rimëkëmbjes nga pandemia’- tha Yellen, duke shtuar se do t’i bëjë thirrje Kongresit që të mbrojë besimin ndaj vendit, duke rritur limitin e borxhit së shpejti. Departamenti i Thesarit në të shkuarën ka shmangur dështimet në pagesa për muaj me radhë duke aktivizuar masa të manaxhimit të jashtëzakonshëm të fluskit të parasë, si ndalimi i kontributeve tek fondi i pensionit të punonjësve të Qeverisë. Ndërsa pyetej se sa mund të zgjasin këto masa, për të vazhduar huamarrjen e qeverisë, Yellen tha se është e vështirë për ta vlerësuar për shkak të shpenzimeve në programet e lehtësimit të Covid-19, që ka shtuar pasiguritë tek fluksi i pagesave të Thesarit. Nëse limiti i borxhit ndalon Thesarin të marrë hua të re, qeveria do të duhet të varet tek faturat tatimore për të paguar detyrimet, duke e bërë të pamundur për të bërë disa ripagesa të borxhit.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.