YouTube do të fillojë të shkarkojë video për shikim ‘offline’!

Aplikacioni i YouTube për Android do të ketë një shkarkim inteligjent (Smart Downloads).

Kjo veçori do të shkarkojë automatikisht shumë video çdo javë bazuar në rekomandimet. Kështu që përdoruesi mund t’i shikojë ato pa internet.

Disa përdorues në Europë tashmë janë ftuar të provojnë funksionin e ri të Shkarkimeve inteligjente. Në telefonat e tyre inteligjentë, YouTube do të shkarkojë një grup prej 20 videosh çdo javë.

Shkarkimi do të bëhet kur telefoni është i lidhur me një rrjet Wi-Fi. Videot do të zgjidhen bazuar në një algoritëm që analizon historinë e shikimit dhe zhanret e videove që përdoruesi shikon në platformë.

Kjo veçori mund të duket e panevojshme për shumë njerëz, por mund të jetë e dobishme për ata që kanë pak të dhëna celulare, por duan të shikojnë video gjatë udhëtimit.

Vihet re gjithashtu se kur shkarkoni në një pajisje me një sasi të kufizuar memorie, së pari do të merrni një njoftim për këtë. Kjo veçori aktualisht mbështetet vetëm në versionin më të fundit të Android, Android 12.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.