Zaev: Jemi në momentet e fundit të formimit të qeverisë
Lideri i Lidhjes Social Demokrate të Maqedonisë (LSDM), Zoran Zaev tha sot para gazetarëve se vendimi për Qeverinë e re është marrë dhe shumë shpejt do të bëhet publik.
Në lidhje me përzgjedhjen e ministrave të Bashkimit Demokratik për Integrim (BDI), dhe nëse disa prej tyre janë në listën e të dyshuarve të Prokurorisë Speciale Publike, Zaev tha se duhet të kontrollohet mirë në Prokuroi dhe ata të japin vërtetimin sipas ligjit.
Në orën 19:00, LSDM do të mbajë mbledhje të Këshillit Qendror të ri që u zgjodh dje, dhe do të vendosë për ministrat e LSDM-së në Qeveri.
“Shpresoj që do të miratojmë vendimet më të mira për qytetarët e Maqedonisë, sot pas mbledhjes do të shpalosim propozim-përbërjen për kabinetin qeveritar të Maqedonisë” tha Zaev.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.