Zaev prezanton listën e ministrave të Maqedonisë

I mandatuari për formimin e Qeverisë së re në Maqedoni, Zoran Zaev publikoi propozimet për ministrat e rinj të kabinetit qeveritar. Propozimet kanë marrë mbështetje nga partia e Zaevit, Lidhja Social-Demokrate, dhe dy partitë politike shqiptare, të cilat janë pjesë e koalicionit qeverisës: Bashkimi Demokratik për Integrim dhe Aleanca për Shqiptarë.

Pesë ministri dhe një dikaster pa portofol do të drejtohen nga BDI-ja, ndërsa dy ministri të tjera nga Aleanca për Shqiptarët. Mbledhja e Kuvendit për votimin e Qeverisë së re të Maqedonisë është caktuar për të martën.

Votimi i qeverisë pritet të bëhet më shumë se pesë muaj pas mbajtjes së zgjedhjeve parlamentare, për shkak të bllokadave të shumta që iu bënë parlamentit nga partia VMRO DPMNE e ish-kryeministrit Nikolla Gruevski.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.