Zbardhen kostot e të dënuarve, Çuko: 6 mijë të burgosur në total, kosto 2 mijë lekë dita
Mbajtja e të burgosurve u kushton shtrenjtë taksapaguesve shqiptarë.
Numri total i të burgosurve në gjithë sistemin arrin në rreth 6 mijë, dhe kosto ditore për secilin prej tyre është 2 mijë lekë. Sipas drejtorit të Përgjithshëm të Burgjeve Arben Çuko, kosto është shumë e lartë.
Ai thotë se për të lehtësuar disi kostot, autoritetet po ndërmarrin programe punësimi për të burgosurit në sektorin privat.
Në muajin dhjetor parashikohet të hapet edhe burgu i ri në Reç të Shkodrës, ku do të vendosen 850 të burgosur.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.