Zbardhet vendimi/ Ndryshojnë pagat e administratës, ulje të masës së shtesës për disa kategori! Tabelat e plota të ndryshimeve
Qeveria ka vendosur të ndryshojë vendimin e marsit të vitit 2017 që parashikonte nivelet e pagave në administratën publike. Vendimi i miratuar me datën 22 nëntor është publikuar në Fletoren Zyrtare dhe sjell ndryshime në vendimin e datës 8 mars 2017. Në këtë vendim, parashikoheshin edhe shtesat që jepeshin mbi pagën për pozicione të ndryshme të administratës publike.
Veç reflektimit të ndryshimit të emërtesave të disa institucioneve publike si rrjedhojë e ristrukturimit, vendimi parashikon edhe rishikimin e shtesës së pagës.
Më konkretisht, punonjësit Ministrisë së Financave dhe Ekonomisë që ishin nëpunës civilë në pozicionet “Sekretar i Përgjithshëm”, “Drejtor i Përgjithshëm”, “Drejtor drejtorie”, “Përgjegjës sektori” dhe “Specialist” në njësitë teknike të përmbajtjes, si dhe funksionarët në pozicionet “Drejtor i kabinetit të ministrit”, “Zëdhënës” dhe “Këshilltar”, do të përfitojnë 10 000 (dhjetë mijë) lekë shtesë page. Në vendimin e mëparshëm, shtesa ishte 20 mijë lekë, çka nënkupton një përgjysmimin të tij.
Po ashtu, edhe për Drejtorinë e Përgjithshme të Kodifikimit dhe Harmonizimit të Legjislacionit, në Ministrinë e Drejtësisë, nëpunësit civilë në pozicionet “Drejtor i Përgjithshëm”, “Drejtor drejtorie”, “Përgjegjës sektori” dhe “Specialist”, shtesa do të jetë në masën 10 000 (dhjetë mijë) lekë” dhe jo 20 mijë lekë sikurse përcaktohej në vendimin e mëparshëm.
Mëposhtë ndryshimet e plota:
Çfarë parashikonte vendimi i marsit 2017:
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.