Zbatimi i planit anti-informalitet, Tatimet takim me bizneset. Diskutohet për parandalimin e mashtrimeve dhe kuponët tatimorë
Gjatë ditës së sotme, Drejtoritë Rajonale Tatimore të Sarandës, Kukësit dhe Gjirokastrës zhvilluan takime me tatimpagues të ndryshëm me qëllim informimin e biznesit dhe bërjen pjesë të tij në zbatimin e planit anti-informalitet.
Këto tryeza diskutimi të cilat janë mirëpritur nga bizneset, i dhanë mundësi Administratës Tatimore të informojë tatimpaguesit mbi masat për parandalimin e mashtrimit, rëndësinë e prerjes së kuponit, kasat fiskale, deklarimet, etj.
“Temë e diskutimeve ka qenë edhe konkurrenca e pandershme në hoteleri ku vetë tatimpaguesit ilustruan disa raste konkrete të subjekteve të pa regjistruara.
Administrata Tatimore ka në fokus të saj rritjen e ndërgjegjësimit të biznesit për deklarimet vullnetare, si dhe transparencën si element i rëndësishëm për të forcuar urën lidhëse me tatimpaguesit”, thuhet në njoftimin e Tatimeve.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.