‘Zemra’ e Napolit në rrezik – Traditat shekullore mund të zhduken për shkak të mungesës së turizmit
Kufizimet e pandemisë COVID-19 janë duke u kushtuar të gjithë dyqaneve dhe bizneseve në të gjithë botën, por në Napoli mund të jenë fatale për punëtorër artizanale në rrugën e San Gregorio Armeno.
E vendosur në qytetin historik të Napolit, në Itali, kjo rrugë e ngushtë është qendra më e famshme në botë për prodhimin e statujave të vogla që zbukurojnë skenat e Lindjes së Krishtit, e ashtuquajtura ‘presepe’, e cila është e pranishme në shumë shtëpi në kohën e Krishtlindjes.
Artizanët kanë punuar dhe mbajtur këtë traditë shekullore të gjallë në këtë rrugë për breza të tërë, por që nga bllokimi i parë në Mars 2020, ata po luftojnë për të mbijetuar. Kohët e fundit, pas disa javësh mbyllje të detyruar, ata më në fund u rihapën, por kjo nuk mjafton.
“Këto pesë javë mbyllje sigurisht përfaqësuan një kufizim në punën tonë, por çështja është se rihapja ka edhe kufizimet e saj, sepse këtu nuk ka turistë,” tha Serena D’Alessandro, e cila është me Punëtoritë e Shoqatës së San Gregorio Armeno .
Para pandemisë, rruga në zemër të Napolit ishte e mbushur me turistë dhe vizitorë gjatë gjithë vitit. Por ditën e parë të rihapjes, rruga ishte ende bosh.
Ofertat tashmë janë bërë për artizanët më të dëshpëruar në këtë rrugë. Bizneset nga veriu dhe përtej detit të Italisë janë të gatshëm ta shndërrojnë këtë rrugë në diçka tjetër.
“Edhe nëse shesim dyqanet tona për biznese të tjera, të cilat nuk ka asnjë lidhje me traditën tonë, do të ishte një humbje masive për ne pasi tradita jonë do të pushonte së ekzistuari.” – u shpreh i shqetësuar Gabriele Casillo, President i Punëtorive të Shoqatës San Gregorio Armeno.
Artizanët shpresojnë që qeveritë rajonale dhe kombëtare do t’i ndihmojnë ata të gjejnë një zgjidhje për të parandaluar zhdukjen e rrugës dhe traditave të saj historike. (Euronews)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.