Zgjaten stërvitjet ushtarake në Veri të Ukrainës – Rusia dhe Bjellorusia nuk ndalojnë ditën e Diel, prej rritjes së aktivitetit ushtarak

Rusia dhe Bjellorusia po zgjerojnë stërvitjet ushtarake që pritej të përfundonin në ditën e Diel, sipas ministrisë së mbrojtjes së Bjellorusisë, ç’ka shton presionet ndaj Ukrainës, ndërkohë që liderët perëndimorë po paralajmërojnë për një sulm të Rusisë.  Autoritetet në Bjellorusi thonë se vendimi është marrë duke parë rritjen e aktivitetit ushtarak pranë kufijëve të jashtëm të Rusisë dhe Bjellorusisë dhe për shkak të tensioneve në rajonin Donbass në Lindje të Ukrainës.

NATO ka bërë t ë ditur se Rusia ka një total prej rreth 30,000 trupash në Bjellorusi dhe mund t’i përdorë për të sulmuar Ukrainën, pavarësisht se Moska i ka mohuar këto plane. Kryeministri britanik, Boris Johnson, tha se lideri rus, Vladimir Putin, mund të mos jetë duke menduar në mënyrë logjike, e për rrjedhojë, kërcënimi i sanksioneve mund të mos mjaftojë për të ndaluar sulmin e Rusisë në Ukrainë.  Shpërthime janë dëgjuar në qendër të Donetsk, një qytet në lindje të rajonit Donbass, të kontrolluar nga separatistët rus, përveç predhave të tjera që janë vëzhguar në pjesë të tjera të rajojnit.

Shpërthimet në lindje të Ukrianës, ku pjesë të mëdha kontrollohen nga separatistët rus, vijnë pas mbledhjes së trupave rus në Veri, Lindje dhe Jug të Ukrainës, që vlerësohen se arrijnë në 150,000 sipas perëndimit. Rusia ka mohuar planet për sulm, pavarësisht mbledhjes së trupave që kryeministri britanik Johsnon thotë se  sugjerojnë një parapërgatitje për konflikt të madh.  “Ajo që shohim është diçka që mund të bëhet lufta më e madhe në Europë që prej vitit 1945, duke e matur nga përmasa”- tha Johnson për BBC.  Johnson tha se SHBA dhe Britania do të përpiqen të ndalojnë aksesin e kompanive ruse në dollar dhe paund, në rast të sulmit, duke thënë se këto sanksione do godasin shumë rëndë.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.