Zgjatja e Vetting-ut e domosdoshme, nuk negociohet – Rama: Nuk ka kthim pas në reforma. Punësimet në administratë jo nga zyrat e PS
Kryeministri Edi Rama ka paralajmëruar zgjatjen e afatit të Komisioneve të Vetting-ut, duke lënë të kuptohet se ajo do të votohet edhe nga opozita. Në një komunikim me gazetarët ai e konsideroi shtyrjen e afateve domosdoshmëri, ndërkohë që Reforma në Drejtësi nuk është diçka për t’u negociuar me opozitën, por është diçka për t’u kryer dhe se nuk ka kthim pas.
Deklarata e Ramës u bë pas mbledhjes së Kryesisë së Partisë Socialiste, ku ai ka paralajmëruar edhe një herë anëtarët e saj se askush të mos pretendojë punë në shtet.
Afati i shkallës së parë të Vetting-ut përfundon në vitin 2022, ndërkohë që ka kaluar në sitë vetëm gjysma e trupës së gjyqtarëve dhe prokurorëve.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.