Zgjedhja e kreut të Doganave, “RTK” publikon letrën e Presidentit Thaçi për kryeparlamentarin: Drejtori i ri e britanikët, të jashtëligjshëm
Presidenti i Kosovës, Hashim Thaçi, përmes një letre që i ka dërguar Kryetarit të Kuvendit, Kadri Veseli, i ka bërë të ditur se caktimi i kompanisë britanike për të zgjedhur persona të caktuar në pozita të larta është e jashtëligjshme, sepse bie ndesh me ligjin aktual. Rrjedhimisht, zgjedhja e Drejtorit të Doganave nuk ka vlefshmëri ligjore, pasi është bazuar në një dokument antiligjor.
“RTK” ka siguruar një letër përmes të cilës Presidenti i Kosovës, Hashim Thaçi, ia ka drejtuar kryetarit të Kuvendit të Kosovës, ka sqaruar se kompania britanike, e caktuar për të ndihmuar institucionet e Kosovës në rekrutimin e udhëheqësve në pozita të larta drejtuese, është e jashtëligjshme për shkak se vendimi për të zgjedhur një kompani të tillë nuk është shoqëruar me ndryshime ligjore. Ndërkaq ambasada britanike ka dhënë një përgjigje rreth kësaj çështjeje.
“Nuk e kemi parë letrën, ndaj nuk mund t’i përgigjemi asaj në detaje. Mund të konfirmojmë se e kemi pyetur qeverinë e Kosovës që të harmonizojnë Memorandumin e Mirëkuptimit me legjislacionin në fuqi. Gjithnjë kemi pritur që ky projekt- që mundëson përzgjedhjen e stafit në pozita të larta në bazë të meritave do të hasë në rezistencë ndaj atyre që nuk dëshirojnë ndryshim. Por shpresojmë të vazhdojmë atë, duke u siguruar se Kosova përzgjedh shërbyesit publik që meritojnë të zgjidhen” – thuhet në përgjigjen e ambasadës britanike.
Drejtuesi i zgjedhur për Doganat në Kosovë është Bahri Berisha. Ai e ka marrë zyrtarisht detyrën pak ditë më parë, në një ceremoni ku ishte i pranishëm edhe ministri i Financave Avdullah Hoti dhe Ambasadori i Britanisë së Madhe Ruairi O’Connell. Në konferencën e mbajtur për mediat, ata kanë shpjeguar procesin e përzgjedhjes së Drejtorit të përgjithshëm të Doganës së Kosovës.
Artikulli i plotë: Kliko këtu
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.