Zgjedhjet, miratohen ndryshimet kushtetuese – Këshilli i Legjislacionit dhe Komisioni I Ligjeve votojnë hapjen e listave dhe ndalimin e koalicioneve

Në mbledhjen e përbashkët, Këshilli i Legjislacionit dhe Komisioni Parlamentar i Ligjeve kanë miratuar ndryshimet kushtetuese që do t’i hapin rrugën listave partiake të hapura dhe ndalimin e koalicioneve parazgjedhore. Ndryshimet u votuan nga të gjithë deputetët që morën pjesë në mbledhjen online të dy komisioneve, U miratuan dy nenet 1 dhe 2 që ndryshojnë nenet 64 dhe 68 të Kushtetutës që kanë të bëjnë me hapjen e listave dhe me pragun zgjedhor.

Jashtë këtyre ndryshimeve kushtetuese ka mbetur përqindja për të hyrë në Parlament dhe detajet e pragut zgjedhor në Listat e Hapura, detajet e të cilit do rregullohen brenda Kodit Zgjedhor.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.