Zgjedhjet ne Tajlandë: Gjithçka që duhet të dini rreth votimit të së dielës
Çfarë po ndodh?
Të dielën më 24 mars, Tailanda do zhvillojë zgjedhjet e para të përgjithshme për tetë vjet. Ajo do të shënojë fundin e pesë viteve të sundimit ushtarak pas marrjes së pushtetit në vitin 2014, pasi vendi u përfshi në trazira politike apo sociale nga ku më vonë zgjedhjet u cilësuan si të pavlefshme nga gjykata kushtetuese.
Por kush janë lojtarët kryesorë?
Politika në Tajlandë ka qenë shumë e polarizuar më shumë se një dekadë, dhe këto zgjedhje nuk përbëjnë ndonjë ndryshim. Ndërsa pushteti të dorëzohet, Junta, e njohur kryesisht si këshilli Kombëtar për Paqen dhe të Rendit (NCPO) po kërkon të vazhdojë të qeverisë në zgjedhjet e ardhshme duke formuar parti politike pro-ushtarake, si Phalang Pracharat.
Po ashtu kërkon kthimin e kryetarit të NCPO, Prayut Chan-ocha, si kryeministër. Më i riu në fushatë është Future Forward, një parti e formuar në mars të vitit të kaluar. Themeluar nga biznesmeni miliarder Thanathorn Juangroongruangkit, ka një nga programet më radikale dhe progresive dhe ka fituar një vrull të madh, veçanërisht në mesin e votuesve më të rinj, të cilët janë më pak besnikë ndaj Thaksinit dhe e shohin të “Ardhmen” më me optimizëm.
A ka ushtria një avantazh?
Gjatë pesë viteve të saj në pushtet, ushtria ka prezantuar një sërë masash që ruan pushtetin e tyre duke bërë që zgjedhjet të bien poshtë në favor të tyre. Në vitin 2016, ajo krijoi një kushtetutë të re që u jep atyre fuqi për të emëruar në 250 vendet në Senat.
Cilat janë momentet kyçe deri më tani?
Një nga gjërat më të mëdha të kryera ndonjëherë ishte njoftimi i bërë në muajin shkurt nga partia pro-Thaksin Thai Raksa Chart, duke e vendosur motrën më të madhe të mbretit, Princeshën Ubolratana, si kandidaten e mundshme për kryeministër.
A do të ketë zgjedhje të lira dhe të drejta?
Aktivistët e demokracisë dhe analistët politikë pajtohen se zgjedhjet nuk kanë gjasa të jenë të lira ose të drejta. Tailanda është ende nën rregullat e huntës autoritare, duke përfshirë nenin 44 që u jep atyre pushtet absolut, si dhe censurën e shtypit drakonian dhe ligjet e krimeve kompjuterike që parandalojnë çdo kritikë të juntës.
Kush mund ti fitojë këto zgjedhje?
Partia pro-ushtarake Phalang Pracharat nuk ka gjasa të fitojë vende të mjaftueshme për të formuar një shumicë më vete, madje edhe me të gjitha 250 vendet e senatit. Shumica presin një koalicion me partitë si Demokratët, Bhumjaithai dhe të tjerët. E cila kjo do ti hapë rrugën për kthimin e Prayut si kryeministër.
Kur mund të dalin rezultatet e zgjedhjeve?
Rezultatet e zgjedhjeve priten të bëhen publike pas datës 24 mars. Zyrtarisht rezultatet nuk duhet të shpallen deri më 8 maj. Sido që të jetë, qeveria pas zgjedhore ka të ngjarë të jetë e brishtë, të luftojë për të kaluar ndonjë legjislacion dhe nuk ka gjasa të zgjasë gjatë.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.