Zgjedhjet nuk ndalën vendorët – Mblidhen 2.7 miliardë lekë më shumë se një vit më parë
Pas përfundimit të zgjedhjeve lokale, pushteti vendor mblodhi 1.8 miliardë lekë taksa vetëm gjatë muajit Korrik, apo rreth 200 milionë lekë më shumë në krahasim me Korrikun 2018, duke treguar se situate post zgjedhore nuk ka pasur ndikim në performancën e tyre.
Referuar treguesve fiskal të Ministrisë së Financave dhe Ekonomisë, në 7 muaj u mblodhën në total rreth 15, 2 miliardë lekë, nga 12.5 miliardë lekë që u mblodhën në të njëjtën periudhë të një vitit më parë, apo rreth 2.7 miliardë lekë më shumë.
Peshën më të rëndësishme në të ardhura e zënë taksat lokale, me rreth 11.4 miliardë lekë dhe më pas renditet taksa e pasurisë me rreth 3.5 miliardë lekë, dhe taksa mbi biznesin e vogël ka të ardhurat më të ulëta me vetëm 311 milionë lekë.
Taksa mbi pasurinë duket se ka një rënie të lehtë krahasimisht me Korrik 2018, çka tregon se ende nuk po gjen zbatim metodologjia e re për vjeljen e saj, ndërsa vendorët kanë lënë hapësire për të ngritur kapacitet me qëllim që të jenë gati në 3 mujorin e fundit të vitit.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.