Zgjerimi i BE-së / Von der Leyen kundërshton Macron: “Dera është e hapur për Ballkanin me rregullat aktuale”

‘Dera është e hapur’ për Shqipërinë dhe Maqedoninë e Veriut që të bashkohen në Bashkimin Evropian sipas rregullave aktuale, Ursula von ver Leyen insistoi të Premten në fjalimin e mbajtur përpara fillimit të presidencës së Kroacisë.

“Ne duhet të japim sinjale dhe t’i mbajmë premtimet tona,” tha ajo – një qëndrim mjaft i kundërt me Presidentin Francez Emmanuel Macron i cili kishte kundërshtuar hapjen e bisedimeve për vendet e Ballkanit derisa procesi i pranimit të reformohej.

Presidenti i Komisionit Evropian njoftoi gjithashtu një konferencë donatorësh më 17 shkurt për të mbledhur fonde për rindërtimin në Shqipëri pas tërmetit shkatërrues të vendit në nëntor.

Kthesa e Kroacisë në presidencën e radhës të BE-së ka rihapur diskutimet nëse blloku duhet të zgjerohet.

Shqipëria dhe Maqedonia e Veriut kishin për qëllim të fillonin diskutimet mbi anëtarësimin zyrtar vitin e kaluar, por tre vende të BE bllokuan bisedimet në një samit të liderave tetorin e kaluar.

Shqipëria dhe Maqedonia e Veriut dorëzuan kërkesën e tyre për t’u bashkuar me bllokun në 2009 dhe 2004 përkatësisht dhe të dy vendet kanë ndërmarrë hapa për tu afruar me standardet e BE-së.

Në samit, Presidenti i atëhershëm i Komisionit Jean-Claude Juncker e quajti dështimin e bllokut për të rënë dakord për fillimin e bisedimeve të anëtarësimit një “gabim të rëndë, historik”.

Debutimi rezultoi në dorëheqjen e Kryeministrit të Maqedonisë së Veriut Zoran Zaev i cili tani ka thirrur për zgjedhje të parakohshme në vendin e tij.

Geri Kolgega / SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.