Zgjerohet harta e të infektuarve/ Konfirmohen 17 raste të reja me Covid-19 duke e çuar numrin total në 400
Ministria e Shëndetësisë ka bërë përditësimin e të dhënave sa i përket numrit të të infektuarve në vendin tonë përgjatë 24 orëve të fundit, duke bërë me dije se janë konfirmuar edhe 17 raste të reja duke e çuar numrin total të të infektuarve në 400.
Sa i takon pacientëve të shtuar në të dyja spitalet e vënë në dispozicion për Covid-19, numri i tyre ka shkuar në 28, ku vetëm 2 prej tyre ndodhen në gjendje intubimi.
Sa i përket hartës së të infektuarve, Tirana zgjerohet me 9 raste të reja, Elbasani me 1, Fieri me 1 dhe Shkodra gjithashtu me 1 rast të ri.
Kujtojmë që deri tani në vendin tonë kanë humbur jetën 22 persona. Rastet më të shumta të të infektuarve janë regjistruar në Tiranë, Shkodër e Durrës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.