Zgjerohet parku kombëtar “Mali i Tomorrit” – Ja sa do të jetë sipërfaqja e tij
Parku kombëtar “Mali i Tomorrit” do të zgjerohet me një sipërfaqe prej mbi 1383 ha. Sipas vendimit të botuar në ‘Fletoren Zyrtare’ me propozim të ministrit të Turizmit dhe Mjedisit, Blendi Klosi, nga ky zgjerim, kufiri i këtij parku do të ketë një sipërfaqe prej 26106 ha.
Zona e zgjerimit të parkut përfshin zona bujqësore, pyjore, shkurre si dhe kullota.
Ndërkohë, ministria e Turizmit dhe Mjedisit në bashkëpunim me ministritë e tjera të linjës brenda një viti nga hyrja në fuqi e këtij vendimi do të hartojnë planin shtesë të menaxhimit të sipërfaqes së zgjeruar, si pjesë e menaxhimit të parkut kombëtar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.