Zgjerohet skema e re e aftësisë së kufizuar – Debate për buxhetin, Spahiu: Jemi vend i varfër. Pampuri: Mos i çoni për PPP-të

Përveç Tiranës, Durrësit dhe Elbasanit, skema e re për caktimin e aftësisë së kufizuar do të shtrihet në mënyrë progresive edhe në qarqet e tjerë të vendit e fillimisht në Qarkun e Korçës, Lezhës, Shkodrës dhe Vlorës”. Zv. ministrja e Shëndetësisë dhe Mbrojtes Sociale, Denada Seferi tha se reforma rrit përfitimet për këtë kategori për shkak të rritjes së diagnozave të përfshira, si dhe lehtëson procedurat për qytetarët.

Megjithatë, gjatë diksutimeve në Komisionin parlamentar të Shëndetësisë, pati diksutime të forta në drejtim të buxhetimit për plotësimin e nevojave të personave me aftësi të kufizuar. Deputetja e PS-së, Klodiana Spahiu tha se Shqipëria është vendi i varfër, ndërkohë që deputetja e PD-së, Orjola Pampuri kërkoi që paratë të shkojnë për këto nevoja dhe jo për financimin e kontratave të PPP-ve.

Kryetarja e komisionit, Grida Duma theksoi rëndësinë e lehtësimit të proceduarve për të përfituar statusin e persoanve me aftësi të kufizuar, ku ndër të tjera është edhe shkurtimi I ditëve të komisionimit.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.