Zgjeron bashkëpunimin me qarqet akademike – FSHZH nënshkruan marrëveshje me Universitetin e Kiotos dhe Fakultetin e Arkitekturës
Fondi Shqiptar i Zhvillimit ka nënshkruar në fillim të këtij muaji një marrëveshje bashkëpunimi me Universitetin e Kiotos, në kuadër të zgjerimit të bashkëpunimit me rrethet akademike brenda dhe jashtë vendit.
Hartimi i projekteve të përbashkëta kërkimore në programet e zhvillimit rajonale është edhe fokusi i bashkëpunimit, i cili do të shkrihet më tej edhe në shkëmbimin e përvojave dhe ekspertizës mes stafeve përkatëse të FSHZH-së dhe Universitetit.
Marrëveshja u para pri nga vizita e një grupi profesorësh dhe studentësh nga Universiteti i Kiotos në Tiranë vitin e kaluar.
Vetëm disa ditë më parë FSHZH nënshkroi një marrëveshje bashkëpunimi edhe me Fakultetin e Arkitekturës dhe Urbanistikës, e cila vendosjen e kapaciteteve akademike të fakultetit në dispozicion të FSHZH-së për të sjellë një qasje profesionale dhe novatore në projektet e zhvillimit që ai zbaton.
Përmes kësaj studentët dhe pedagogët do të kenë mundësi që të marrin pjesë në detyrat e projektimi dhe këshillimit, si dhe në diskutimet publike që zhvillohen si para ashtu edhe gjatë zbatimit të projekteve.
Po ashtu, studentë të Fakultetit të Arkitekturës dhe Urbanistikës do të mund të zhvillojnë praktikën profesionale pranë Fondit Shqiptar të Zhvillimit si dhe do të jenë aktivë në projektet e FSHZH që nga faza e konceptimit deri në fazën përfundimtare të zbatimit duke konkurruar me ide dhe plane konkrete.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.