Zgjidhen 8 anëtarët e KED – Shorti në Kuvend, i hapet rrugë plotësimit të Kushtetueses
Pas refuzimit të Presidentit Meta për vakum ligjor, është hedhur në Kryesinë e Kuvendit shorti, për plotësimin e stafit të Këshillit të Emërimeve në Drejtësi.
Pas shortit rezultoi se, nga Gjykata Kushtetuese janë zgjedhur Vitore Tusha dhe Bashkim Dedja; Ardian Dvorani nga Gjykata e Lartë, ndërsa anëtar zëvendësues Medi Bici; Arta Marku nga Prokuroria e Përgjithshme; Fationa Memçaj nga prokuroritë e Apelit; Fatri Islamaj dhe Margarita Buhali nga gjykatat e Apelit, ndërkohë që anëtar zëvendësues është Gurali Braimllari; si dhe Eriol Roshi nga gjykatat administrative, me anëtar zëvendësues Klodiana Veizi Memën.
Një pjesë e pozicioneve mbetën pa anëtar zëvendësues. Ngritja dhe funksionimi i këtij institucioni, pritet të plotësojë shtatë vendet vakante në Gjykatën Kushtetuese.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.