Zgjidhen sot anëtarët e KLGJ dhe KLP – Lista e plotë e kandidatëve
Sot në mesditë në ambjentet e Kryesisë së Kuvendit do të zhvillohet mbledhja e posaçme për zgjedhjen e anëtarëve të Këshillit të Lartë Gjyqësor dhe të Këshillit të Lartë të Prokurorisë.
Gjatë këtij takimi, drejtuesit e Institucioneve të Arsimit të Lartë dhe Shkollës së Magjistraturës do të zhvillojnë dëgjesën me 11 kandidatët dhe më pas do të kryejnë procesin e votimit.
Lista e plotë e kandidatëve pedagogë për KLGJ dhe KLP përfshin:
- Sander Beci
- Oriona Mucollari
- Ilir Panda
- Maks Qoku
- Mirela Bogdani
- Eneida Sema
- Eriona Canaj
- Dariel Sina
- Gent Ibrahimi
- Erion Muharremaj
- Brunela Kullolli
Për KLP, do të përzgjidhen 5 anëtarë nga kuvendi, ndërsa 6 anëtarë të tjerë merren nga radhët e të gjitha niveleve të prokurorive. Ky këshill garanton pavarësinë, llogaridhënien, disiplinën, statusin dhe karrierën e prokurorëve të Republikës së Shqipërisë.
Ndërsa KLGJ konsiderohet si qeveria e gjyqësorit pasi emëron, ngre në detyrë, promovon, transferon dhe disiplinon gjyqtarët. Edhe ky organ përbëhet nga 11 anëtrë, 5 prej të cilëve përzgjidhen nga Kuvendi, ndërsa 6 të tjerë nga radhët e gjyqtarëve në të gjithë nivelet e pushtetit gjyqësor.
Angelo Haruni/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.
Artikujt e fundit
