Zhvillimet e tregut të Fondeve të Investimeve – Rritet vlera e aseteve. Dominojnë investimet në Obligacione Qeveritare
Nëpërmjet një njoftimi në faqen zyrtare Autoriteti i Mbikëqyrjes Financiare ka publikuar përditësimin e tregut të fondeve të investimit.
Gjatë periudhës 31.03.2021, në tregun e fondeve të investimeve ushtruan aktivitetin e tyre nëntë fonde investimi. Fondi i investimeve “Raiffeisen Prestigj”, “Raiffeisen Invest Euro”, “Raiffeisen Vizion” dhe “Raiffeisen Mix” të administruara nga shoqëria “Raiffeisen Invest”, fondi i investimeve “Credins Premium” nën administrimin e shoqërisë administruese “Credins Invest”, fondi “WVP Top Invest” dhe fondi “WVP GLOBAL” administrohet nga shoqëria “WVP Fund Management Tirana sh.a”, fondi i investimeve “Albsig Standard” nën administrimin e shoqërisë administruese “Albsig Invest”sh.a, fondi “ABI EIA” administrohet nga shoqëria “ABI Invest”.
Sipas analizës së të dhënave për tregun e fondeve të investimeve në 31.03.2021, vlera neto e aseteve të Fondeve, arriti rreth 69.05 miliardë lekë me një rritje prej 1,647 milionë lekë ose 2.44%, krahasuar me 31.12.2020, njofton AMF.
Ky treg dominohet kryesisht nga investimet në Obligacione Qeveritare, të cilat përbëjnë 63.25% të aseteve të fondeve, me një ulje prej 4.81% krahasuar me 31.12.2020.
Numri i anëtarëve që kanë investuar në Fondet e Investimit më 31.03.2021 është 34,053 me një rritje prej 4.28% krahasuar me 31.12.2020.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.