Zhvillimet fiskale në lupën e KE – Rezerva për mbledhjen e të ardhurave dhe realizimin e investimeve
Komisioni Europian, në raportin më të fundit për vendet kandidate dhe ato potencialisht kandidate gjatë tremujorit të parë të këtij viti, vlerëson edhe zhvillimet më të fundit fiskale dhe monetare në vendin tonë. Në aspektin fiskal duket se ka vend për rezerva. Paçka se është vënë re një rritje e lehtë e deficitit të përgjithshëm të qeverisë, niveli prej 2% i regjistruar në 2017-ën është brenda objektivave.
I njëjti nivel parashikohet edhe për vitin aktual, thotë Komisioni Europian. Sa i përket të ardhurave të qeverisë, ato vlerësohen si 2.8% nën objektiv, ndërkohë që norma e të ardhurave në raport me prodhimin e brendshëm bruto u rrit lehtë në 27.7%. Edhe shpenzimet vlerësohen si 2.7% nën objektiv.
Gjatë periudhës Janar-Shkurt të këtij viti, rritja e të ardhurave me 5.5% në terma vjetorë përkthehet në një dështim të planifikimit buxhetor. Mos realizimi i shpenzimeve kapitale shihet si një tjetër problem. Në aspektin monetar ndërkohë, inflacioni shihet si i qëndrueshëm dhe i ulët, ndërkohë që ka marrë shtysë nga forcimi i monedhës vendase. çmimet kanë marrë shtysë kryesisht nga ushqimet, ndërkohë që qiratë e banesave dhe çmimet e ujit janë rritur përtej pritshmërive.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.