Zhvillohet sot në Sarajevë Forumi “Balkan Davos” – Prioritet, thithja e investimeve ndërkombëtare në Europën Juglindore
Zhvillohet sot në kryeqytetin e Bosnje Hercegovinës Forumi i 9-të i Biznesit të Sarajevës i quajtur “Balkan Davos”, i cili do të zgjasë dy ditë. Ngjarja do të fokusohet në zgjerimin e bashkëpunimit ekonomik rajonal dhe tërheqjen e investimeve ndërkombëtare në Europën Juglindore.
Sipas ‘Anadolu Agency’, që është partneri global i komunikimit të eventit dyditor, inaugurimi i forumit të biznesit do të ndiqet nga zëvendëskryeministri i Turqisë Mehmet Simsek, anëtarët e Presidencës së Bosnjës, Presidenti Slloven Borut Pahor dhe ministrat nga Serbia, Arabia Saudite, Indonezia dhe Maroku.
Në ditën e parë, do të ndahen edhe disa çmime për sipërmarrësit më të suksesshëm, të tillë si: “Ura e Biznesit në Sarajevë” gjatë një paneli të titulluar “Ballkani Perëndimor: Gjashtë sektorë ekonomikë rajonalë – Zhvillimi me BE-në” dhe “Porta dhe Lidhjet Ndërkombëtare të Evropës Juglindore”.
Ndërkohë, në ditën e dytë do të mbahen panele për “Turizmi si një rritje e shpejtë për Evropën Juglindore”, “Ndikimi në Zinxhirin e Furnizimit me BE dhe Kompanitë e Ballkanit Perëndimor”, “Kapitalizimi në Teknologjinë e Informacionit dhe Tendencat Socioekonomike në Evropën Juglindore” dhe “Dubai si një model i zhvillimit ekonomik për rajonet e tjera”.
Në këtë forum pritet të marrin pjesë rreth 8000 pjesëmarrës nga vende të ndryshme. Forumi është mbajtur që nga viti 2010 në një përpjekje bashkëpunuese të Bosna Bank International dhe Bankës Islamike për Zhvillim me bazë në Jeddah.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.