Zinku, performuesi më i dobët – Bie në bursën e Londrës prej inventarëve të lartë dhe kërkesës së ulët
Çmimet e zinkut kanë rënë në nivelin më të ulët në mbi 2 muaj, pasi niveli në magazinat e Bursës së Metaleve në Londër, shënoi nivelin më të lartë në 2 vite, ndërkohë që edhe kërkesa në Kinë është dobësuar. Kontrata 3-mujore e zinkut(CMZN3) në bursën e Londrës ra me 1% në 2,634 dollar për ton, që është niveli më i ulet në 2 muaj.
Inventarët e zinkut në magazinat e bursës së metaleve të londrës u rritën në 235,000 ton, niveli më i lartë që prej Shtatorit 2018. Analistët thonë se për shkak të përhapjes së Covid-19 në provincën e Hebeit, kufizimet në logjistikë pritet të cënojë kërkesën, ndërkohë që rajoni përbën 10% të totalit të kapacitetit në Kinë.
Hebei është qendra e prodhimit të çelikut në Kinë dhe një nga provincat më të goditura në përhapjen e fundit të koronavirusit në vend. Zinku, që përdoret kryesisht për të veshur çelikun, është një ndër performuesit më të këqinj deri më tani për vitin tek metalet bazë në bursën e Londrës dhe të Shangait.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.