Zonat e mbrojtura, Dedej: 25 milionë lekë të ardhura nga turizmi në 2016-ën
Rritja e numrit të turistëve në zonat e mbrojtura në vendin tonë ka sjellë dhe rritjen e të ardhurave në këtë sektor i cili vetëm për 2016-ën kap shifrën prej 25 milion lekësh.
Sipas drejtorit të Agjencisë Kombëtare për zonat e Mbrojtura Zamir Dedej me krijimin e AKZM dhe politikave për turistët, niveli i të ardhurave është rritur nga viti në vit. Në 4 mujorin e parë të 2017-ës gjenerimi i të ardhurave nga turizmi në zonat e mbrojtura ka arritur në 9 milion lekë.
Dedej nënvizoi se niveli me i ulët ka qenë në vitin 2015 me 7 milion lekë.
Sipas drejtorit të AKZM, me hyrjen në fuqi të ligjit të ri për zonat e mbrojtura, synohet dyfishimi i të ardhurave të cilat do të shkojnë për investime dhe shërbime.
Drejtuesja e projektit të BE NaturAL, Caterina Carigati u shpreh se për zonat e mbrojtura në Shqipëri janë vënë në dispozicion 4 milion euro nga BE dhe 400 mijë euro nga shteti italian.
Këto fonde janë vënë në dispozicion për ruajtjen e biodiversitetit dhe trajnimeve të stafit që menaxhojnë zonat e mbrojtura.
Ky projekt 40 mujor pritet të përfundojë në qershor të 2018-ës.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.