Zv.ministri Elton Haxhi, merr pjesë në konferencën e organizuar në Vjenë/ Në fokus çështje që lidhen me të ardhurat dhe sistemin e taksave!
Zv.Ministri i Financave Elton Haxhi, ka marrë pjesë në konferencën e organizuar në Vjenë nga Fondi Monetar Ndërkombëtar, Ministria e Financave e Austrisë dhe Banka Botërore, me temë “Strategjia Afatmesme e të Ardhurave- Ndërtimi i Sistemeve Tatimore më Efektive”. Diskutimet e paneleve u fokusuan në një sërë çështjesh që lidhen me të ardhurat dhe sistemin e taksave, si:
Hapja e një dialogu mes vendeve mbi reformën në vazhdim të sistemit të taksave dhe kalimin drejt kuadrit të Strategjisë Afatmesme të të Ardhurave, si dhe rregullimet efektive që duhet të vendosen nga qeveria për të garantuar përgjegjshmëri dhe zbatimin e afateve kohore. Gjithashtu në fokus të konferencës, ka qenë dhe nevoja e një plan-aksioni për hartimin Strategjisë Afatmesme të të Ardhurave.
Qasja e Strategjisë Afatmesme të të Ardhurave ndaj Reformës së Sistemit të Taksave u vendos nga Platforma për Bashkëpunimin mbi Taksat, si një përpjekje e përbashkët e lançuar në prill 2019 nga Fondi Monetar Ndërkombëtar, OECD, OKB dhe Banka Botërore për të mbështetur përmirësimin e sistemeve të taksave.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.